अजु॒ खां लग॒ भग॒ हिक सदिअ अगु॒ उत्तर हिंदुस्तान में हिक वदी॒ जंग लडि वई हुई । ऊहा जदोजिहदि भी अजबु जेड़िहि हुई जंहिं जो असिरु हेटि सजो॒ ऊतर हिंदूस्तान अचि वयो । आंऊं अंग्रेजन सां थिंदड़ आजादीअ जी लड़ई जी गा॒ल्हि नथो कयां नह ईं वरी आंऊं विरहाङे वक्ति थिनदड फसादनि जो जिक्रु पयो कयां । आंऊं जंहिं लड़ाई जी गा॒ल्हि पयो कयां सा लड़ाई सियासतदानं खां वठि सहित्यकारिनि, बु॒धवा ऐं आम माण्हू दा॒ढे जोश सां लड़ी हुइ। चवण लाई तह इहा हिन्दी ऐं ऊर्दू जी लड़ाइ थी सदि॒जिणि मे आई पर होरयां होरयां इहा हिन्दू ऐं मसलमानं जे सघ जो हिकु अखाड़ो जी शकलि थी वरती। इहा हिक अहड़ी जंघ थी उभरी जिन में को बी॒ विच जो थी नह रही सघो- घटि में घटि हिंदुस्तानि जे हिंदी गा॒ल्हिहाइदड ईलाइका में तह इहा चिटे रीति दि॒सणि में आइ। इहा लडाइ हिक समूड़ि तुफान खां घटि किन हुई। पाण साणु चङुनि बो॒लिन ऐं लिपियुनि खे गि॒हले वई। उतर हिनदूस्तान जी लग॒ भग॒ हर हिक बो॒लिअ ते ईन तहरिक़अ पहिंजो असरि दे॒खीयो – जिअं पंजाबी, कशमिरी, गोन्डी, राजसथानी, कोंकणी, या वरी मैथली। हिंदी ऊर्दू जे लडाइअ में पिणि कजह ईंअं ई थयो।
जेसिताईं मुसलमानं जी गा॒ल्हि कजे संदिन वहंवार दा॒ढो दिल्चसप रहयो आहे। अजु॒ खा हिक सौ वरहयन जी जेकरि सियासत या सामाजिक दां॒हिं नज़रि ढोड़इजे तह सदिंन जा टे हिस्सा था दि॒सजिनि में इंदा। हिकड़ा उतर ऐं ओल्ह हिंदूस्तान जे सुबनि(यू.पी.,बिहार, मध्य प्रदेश, राजस्तान,कहिं हद ताईं गुजरात (कच्छ खे छदे॒) ऐं महाराशट्रर, बि॒या कशमीर, पंजाब ऐं पूख्तुनवाह ऐं पिछाड़िअ में बंगाल, सिंध ऐ बलूचिस्थान जा मुस्लमान। जेकलद॒हिं अग॒यां बि॒न तब्कन जी गा॒ल्हि कजे तह ईहो चिटि रिति नज़रि ईंदो तह ही तब्का मसलमान्न जे हुकुमतिन में चङि रिति उभरी आया ऐं मुसलमान्न जे 800 सालनिन जो फाइदो चङि रिति माण्यो। संदिन मुस्लमान्न जी हूकुमति में वद॒न अहदनि ते हुवा, हिनिन कद॒हिं बि॒ जिजिया जो विरोध कोन कयो। हिनिन हिंदी बोलिअ खे कहिं हदि ताईं मुसलमाणको रुप दे॒इ हिंदीआ खे हिक नइ नवेलि कुंआरि रित हिक नऐं नाऊँ द॒ई पेश कयो । बयो तब्को पंजाब, कशमिर ऐ पुख्तुनवाह जा मुसलमान्न हुवा जेके उर्दू खे तह कबूलो पर पहिरेंन तब्के खां धार ई रहया। (जिअं आजु॒ जे पाकिस्तानि में दि॒सजे थो।) संदिन सफाकति पिणि मुख्तलिफ दि॒सजे थी। मुसतमान्न जो टिर्यो तब्को बंगाल, सिंध ऐं बलूचिस्तान जो थो दि॒सजे जहिंते उर्दु जो असरि लग॒ भग॒ नह जे बराबर ई हो।
जेकरि बो॒लिअ जी नज़रि खां जेकरि दि॒सजे उर्दू, हिंदी जे हिक लहजे थीअणु जी हसिति भी कोन थी लहणे। पर इन जे बावजूदि उर्दू खे जेका अहमियति दि॒ञी वईं ऊहा तपरसि दिं॒दड़ आहे। उर्दू जो हिक बो॒लीअ जो रूप अख्तियार करण ऊमालक मुगलन जे जे दिं॒हनि मे कोन थयो, हिअं घणो तणो मञो वेंदो आहे। नंढे खण्ड में खासि करे उतर हिंदूस्तानि में जेकद॒हिं मुसलमान्न पहिंजी हुकुमति बरपा कईं, मज़हबि खां सवाई बो॒ली (अर्बी तोडे फार्सी) जो प्रचार दा॒ढे ज़ोरदारि रित थयो। हुकुमति जी दफ्तरि बो॒ली थीअण सबब नौकीशाहयनि खें इन जी जा॒णि हुई। जिअं रिवाज सिंध मे भी हो। वरी हिंदूनि में भी हिकु तब्को (शहरनि में रहनदड) अर्बी तोडे फारसी जो पिणि जा॒णिनदड़ हो । पिछाड़ीअ में वरी मुगलनि जे हुकहमति में हिंदु मुस्लम ऐको हिंदुनि खे पिणि उर्दु जे वेझो गि॒हले आयो। इहो ई सबब आहे तह अंग्रेजनि जे अचण ताईं घटि में घटि शहरनि में उर्दू जे नाऊं ते हिंदी में अर्बी-फारसी लफ्जिन जी भरमार थी वई । मसलो तद॒हिं थयो जदि॒हिं अंग्रजनि पूरे हिंदूस्तान में ऐं खासि करे उतर हिंदुस्तानि में पहिंजो कब्जो जमायो। इस्ट इंडिया कंमपनीअ खे ऐडहो को तरिको खपंदो हो जेहिंसां हिंदुस्तान ते हो घटि खां घटि वक्त में पहिजा पेर पसारे सघिनि। इहो ई सबब आहे जे संदिनि हिक पासे मकानि बो॒लीअ खे अहमियति दी॒नि ऐं बे॒ पासे हितौं जे रहोकूनि मां हिकु नोकरशाहिअ जो तब्को ठातो जेको संदिनि जे चऐ ते कम करे। जहिं जहिं सुबनि में हिंदी जो जोरि कोन हो हिंअ सिंध, बंगाल, द॒खिण जा सुबा खवाहि कहिं हदि ताईं अजु॒ जा गुजराति ऐं महाराशट्र, उते, अंग्रेजनि खें बो॒लीअ बाबति का भी तकलिफअ कोन आई छाकाणि तह घणो तणो अंग्रेजन सां गदु॒ हुवा घटि में घटि दफ्तरी बो॒लीअ जे नाउं ते । मसलो हिंदी उर्दू गा॒लिहाअंदड़ ऐलाइकनि में हो जिते हिनिन बि॒नहनि कोम जा माण्हुं चङी तादाद में रहिनि पया, बि॒न्हीनि बो॒लीयुनि फर्क रुगो॒ ऐतिरो हो जे हिकडी फारसी लिपी सां गदु॒ अर्बी- फारसी जी भरमार हुई ऐं बि॒ देवनागरी लिपी में लिखजणि सां गदु॒ संसक्रित मां निकुतलि लफज हुवा। दि॒संदे ई दि॒संदे पुरो उतर हिदुस्तान हिन लडाईअ जो हिकु वदो॒ मैदान थी वयो। जेका लड़ाई हिंदु-मुसलमान्न सां शुरु थी हुई सा हिंदी –उर्दू जी लड़ाई जो मुंहु अख्तियार करे वरतो। थी थो सघे मुसलमान्न खे हिंदी नह अचण ऐं वरी हिंदी जो मुकाबले लाई उर्दू जी वाटि अखत्यार करण ते मजबूर कयो हुजे या वरि इहो पिणि थी थो सघे तह मसलमान्न खे लेखे अंग्रजन जो झुकाउ हिंधी दा॒हिं थेअण जा इम्कानि हुजिनि। बहराल दिसंदे ई दिसंदे हिंदु हिंदी दा॒हिं झुकया तह मुसलमान्न उर्दू दा॒हिं। हिनिन इहा लड़ाइ रुगो॒ हिंदी गा॒ल्हाईंदड़ सुबन ताईं महदूद कोन रखि पर कशमीर ऐं पंजाब ताईं वञी पुगी॒। ईन जदोजिहदि जो नुकसान रुगो॒ उन्हनि बो॒लीयुनि खे पहुतो जके कहिं हदि ताईं थोराई वारीयू चई थो सघजे (जिअं कोंकणी, मैथल, गोंड़ी वगिराह ) पर पंजाबी ऐं कशमीरी ते भ थो दि॒सजे, जेके उर्दूअ खे ईसलाम सां गं॒ढे दि॒सणि लगा॒।
जेकद॒हिं असीं हिंदुस्तान जे थोड़ाइ वारे बो॒लिन जे नजर खां दिसींदासेन तह अंग्रेजनि जो दौर हिकु खुशहाल दौर थी उभरनदो । कद॒हिन भी हिंदुस्तान में खासि करे थोराइ वारन जी बो॒लिन खे ऐतरो उभरण जो मौको नह मिलो होन्दो। ऐहड़ी गा॒ल्हि नाहे तह अंग्रेजनि खे थोड़ाइ वारे बो॒लिन लाइ को धारि हूबू हुई पर इन गा॒ल्हि में भी को शकु नाहे तह संदिन मादरि बो॒लीयुनि दां॒हि हे रुखु ईन्तजामि हो। संदिन चिटे रित जा॒णि हुई तह हिंदुस्तान जूं बो॒लयूं केतरि अहमियत रखिन थूं, इन जी आहमियति इन गा॒ल्हि मां लगा॒ये थी सघजे जे गेरिसन खे इहो खासि कम दि॒नो वयो हो हिंदुस्तान जे मकानि बोलयुनि बोबति छड छाणि करे ऐं हुन साईंअ पिणि कम खे चङो निभायो। जेतिरो पुगु॒सि हुन खां, हर हिक बो॒लिअ खे बारिकी सां चकासयं। जुदा जुदा बो॒लिन जे लहजनि ऐं लिपनि खे समझी सदिनि बाबति विचूडनि में लिखि माण्हुनि अग॒यों रखयो। सदुसि जी काम्याबी इन गा॒ल्हि सां साबीति थी थे जे अजु॒ भी सदुसि किताब हिंदुस्तान जी बो॒लयूनि लइ अहमि था मञया वञिन। पर अफ्सोसि जे थोराई वारे बो॒लीअन लाई इहे दिं॒हं वधिक कोन हल्या। जिअं जिअं हिंदुस्तान में खासि करे उतर हिंदुस्तान में हिंदु मसलमामंन जे विच में फर्कअ वधण लगा, हिंदी- उर्दु जी लड़ाई जोर वठंदी वई, ऐं दि॒संदे हिंदु हिंदी दा॒हिं छकया मुसलमांन उर्दूअ दा॒हिं।
ईहा लड़ाइअ जेतोणेकि हिंदी ऐं उर्दू जी हुई, पर इन लड़ोई जो नुकसानि उन्हनि बो॒लियुनि खे खण्णो पयो जेके हिंदी सां कंहि हदि ताईं मिंल्नदूं झूल्नदूं हूं। जेकदि॒हिं तहिं महलि हिंदी गाल्हाइंदड़ इलाइकनि दा॒हिं धयानु दिं॒दासिन तह ऐहड़यूं चङियू बो॒ल्यूं ऐं लिपयू लभंदयूं जेके अजु॒ जे दिं॒हनि में मरी तह किन वयूं आहिनि पर जेहिं दिं॒हनि जूं गा॒ल्हियूं असी कयों था पया, तिनि दिं॒हन में खेनि चङो नकसानु सठो हो। संदनि लिपी ऐं बो॒ली बी॒न्हनि ते वार थया । हिंदी – उर्दू जी लड़ाईअ सबब थोड़ाईअ वारिन बो॒लियुनि में तह ज॒णु विरहोङे जो असरि तहिं महलि ई थी नजरि अचणि लगो हो, जेहि सबब संदिन बो॒लिअ जे गा॒ल्हाइंदडंनि जी तादादि ते चङो असिरि पयो।
नुकसानु रूगो॒ उन बो॒लयुनि बो॒लीयुनि जो ई नह पर सदिन लिपीयुनि जो पिणि थयो। जिनि मां किनि जो बयानि हेटि दि॒जे॒ थो
क) टिकरी – हिअ लिपी जमू, हिमाचल प्रदेश, उतर पंजाब ऐं उतराखंड में डोग॒री ऐं ब॒यूं जब॒ली बो॒लीयूनि जे लिखण में कत्ब ईंदियूं हूं पर अजु॒ डोग॒री ऐं ब॒यूं जब॒ली बो॒लीयूनि देवनगरी में लिखजिनि थयूं ।
ख) मोदी- मराठनि जे दिं॒हनि मे मोदी जो चङो रिवाजि हो। हिन लिपी जी वहंवारि मराठनि जे वक्त मे शरु थियो पर आजादीअ खां पोइ देवनागरी सां मटी वई ।
ग) वाणीकी- सिंध हिंदुन जी असलोकी लिपी जेका पहरों अर्बी ऐं पोई देवनागरी सां मटी वई। जेतोणिक हिंदी उर्दू जे पाण में कशमकश में सिंधी कद॒हिं कोन फाथी पर विरहोङे ऐं इन सबब पेदा थिंदड हालतयुनि सिंधीअ ते देवनागरी चङो असिरि कयो।
घ) मैथली- मैथली यु पी , बिहार ऐ नेपाल में गा॒ल्हाईंदड़ बो॒ली आहे जहिंजी बंगाली सां मिलिंदड लिपी हुई पर हिंअर देवनागरी सां पई लिखी वञे।
ङ)शरदा- कशमीरी बो॒लीअ जी असलोकी लिपी पर हिंअरअ फारसी ऐं देवनागरी सा मठी वई।
उन वक्ति में वरि अहेड़ा भी के सुबा हुवा जहिं ते मथे जाणायलि जदोजिहदि जो असिरि नह जे बराबर थयो। सिंध ऐं बंगाल जे सुबनि में अंग्रेजनि जी हकूमति हिक नऐ ऐं उसिरंदड़ टेहि खे जन्मु दि॒नो। बंगाली हमेशाह हिक उसरिन्दड़ बो॒ली रही आहे। संदसि पहिंजी हिक मुखतलिफ लिपी आहे। संदुसि अगो॒णो साहित्य ते नह तह कदि॒हिन बंदिश लगि ऐं नह ई कदि॒हिं अगो॒णे कितावनि सां उहो वहनवार थयो जेको सिंधी सां थयो। इन जो इहो फायदो निकतो जे बंगालिन पहिंजे साहित्य ऐं सफाकति खे सदाइ अग॒ते वधायण मे काम्याब थी वया । संदिन में को हिंदू हूजे तोडे मुसलमान, पहिंजी बो॒ली दा॒हीं हुबु दि॒सणि हाड़हो हुजे थो। हिंदूस्तान जी आजादी बैदि हिंदी गा॒लिहायंदड़न हिकु नारो दि॒नो हो- हिक लिपी घणयूं बो॒लयू जिनि सां हिंदुस्तान जूं चङनि बो॒लिन जूं लिपयू मठायू वयूं । पर बंगालिन ऐड़ही का भी साजिशनि खे काम्याब नह थेअण दि॒नो। रुगो॒ हिंदूनि में ई नह पर मुसलमान्न में पिणि साग॒यो हुबु दि॒सजणि में इंदो आहे। पाकिस्थान वजूदअ में अचण बैदि, संदिन उर्दू जो चङो विरोध कयो। ईहो यादि रखण जरुरि आहे तह जिनाह जी 1948 जी ढाका वारी तकरिर ते बंगालिन में ज॒णु बाहि में गि॒ह जो कम कयो हो, किनि जो चवण आहे तह बंगलादेश जो जन्म 1948 जी तकरिर सबब ई थी वयो हो।
जेकद॒हिं असी सिंध जे सरहदनि दा॒हिं पहिंजी नजरि दौड़ाइंदासिन तह इहो चिटी रित दि॒सणि में इंदो तह कहिं भी सुबे जी बो॒ली सहित्य लिख्ण जेड़ही कोन हुई या आहे। उतर पासे पंजाब आहे जेके गा॒ल्हाईनि तह पंजाबी में पर लिखिनि पढ़िनि उर्दू में । बलूचनि में तालिमअ जो को असरि तह नह जे बराबर हो ऐं राजिस्तान हिंदी खां मुख्तलिफ थिंदे भी पाण खे हिंदी जे असिरि खों आझो कोन रखी सघी जेतोणेकि, गुजराती ई हिक बो॒ली जी हसिसत मे भले चङो आग॒ते वधया आहिनि। इन हकिकत जे बावजूद सिंधी हिक सखतलिफ वाटि अख्तयार कई । जेसिताइं गा॒ल्हि कजे सिंधीअ जी तह सिंध वाङुरि सिंधी बो॒लीअ जो जिंदो रहण कहिं करिशमें खां घटि नाहे। वरलि ई अहड़ो को सुबो लभंदो जेहिं ऐतिरयूं काहयूं सहण जे बावजूदि मूल बो॒ली कोन विसारी। जद॒हिं तह सजे॒ उतर हिंदुस्तान हिंदी उर्दू जे नाले सां वढजी वयो हो, सिंधु जो हिंदु तोडे मुसलमान पहिंजी बो॒ली सां ई वफादार रहया । जेकरि इअं नह थिऐ हा सिंधअ जो पिणि ऊहो हाल थिऐ हां जेको हालि कशमिरि ऐं कहिं हदि ताईं पंजाबीअ (पाकिस्थान वारे हिसे वारो) जो थियो। सिंध हिकु सुसलमान घणाइ सुबो हुजण सबब, इअं थि नथो सघे तह उर्दू जे पोइलिगं सिंध में ऊर्दु जे पर्चार पर्सार दा॒हि धयानि नह दि॒ञो हुजे। सागि॒ गा॒ल्हि हिंदी जे हिमायतिनि बाबत पिणि चई थी सघजे। अंग्रेजअ जदि॒हिं सिंध काहि कई तह संदिन दि॒ठो तह सिंध जा हिंदू संसक्रत,गुरमुखी ऐ फारसी पढनि ऐं मुसलमान अर्बी ऐं फारसी पढण में फक्र महसूस कनि । पर इन जे बावजूदि अंग्रजनि सिंघी बो॒लीअ जी अहमियति खे धयान में रखि सिंधीअ बो॒लीअ खे अहमियति दि॒ञी ऐं दि॒संदे ई दि॒संदे हिक पुखती बो॒ली थी उभरी।
अंग्रेजन पारां सिंधी बो॒ली खे सिंधुअ जी दफ्तरी बो॒ली तस्लीम करण सबब हिकअ नऐं दौर जी शरुआत थी। हरको दफ्तरी कमु सिंधीअ में थिअण लगो॒। रुगो॒ सिंधी ई नह पर अणसिंधीयनि जे लाइ सिंधी में लिख पढ़ करण लाजमि कयो वयो। जेके अंग्रेज सिंध में आया तिनि लाई पिणि सिंधी सिखण लाजमी कई वई। पर इऩ खां पोई भी जेहिं सबब लाई सिंधी बो॒ली ऐहड़ि पुखती थी बेठी सा हुइ सिंध जे हिंदुनि जो अंग्रेजनि पारां जोड़ांयल आइटवेटा सां गं॒ढ़ंजणि। अजु॒ भले ई चङं सिंधीयुनि खे इहा गा॒ल्हि नह भी सही लगे॒ पर जेकदि॒हि असी अर्बी लिपी खे नह कबूलौं हां तह सिंध ऐं सिधीअ जी हालति कशमिरि बो॒लीअ वाङुरि हुजे हां । इहो ई नह पर नको सिंधी हिंदुस्तान जे संविधान में पहिंज हाणोकी जाई वालारे हां ऐं नह ई वरी सिंध में रहंदड़ सिंधी मुसलमान्न उर्दूअ सां ऐतरि वदी॒ लड़ाई लड़ी सघिनि हां । सिंधी बो॒ली कोमी बो॒ली जा नारा जेके हिंअर सिंध में रहंदड सिंधी दे॒ई रहया आहिनि- सोचण ई खुयाब थी लग॒नि हां । सिंधीअ जी कामयाबीअ जो अंदाजो तद॒हिं लगं॒दो जद॒हिं असी कशमीरी बो॒लीअ जी हाणेकी हालति दा॒हिं धयानु दिं॒दासिं। कशमिरिअन खे पहिंजो सुबो आहे, पहिंजी हकूमति आहे, पर इन जे बावजूदि लिखिनि पढिनि हिक धारीअ बो॒ली – उर्दूअ में जेहिंजो कशमीरीअ सां को भी रिशतो ई नाहे।
पिछाडिअ जा पंझाहि सठ वरहय, हिंदुस्तान जे दे॒ही बो॒लीयुंनि लाई तमाम अहम साबित थया आहिनि। चङयूं बो॒लयूं जिनि खे हिंदी जूं उपभाश खवाहि लहजो करार दि॒ई हिंदी थोपी वई हुई हिंअर पहिंजी सुञाणिप कायमि रखण लाई जदोजिहदि पयूं कनि। मिसालि तौर राजस्तानी, कोंकणी, भोजपुरी, मैथली वगराह। किन तह संविधान जे अठे सेढूल में पिणि पहिंजी जाई वालारी आहे। ईअं तह बो॒लीअ ऐं संदिस लहजे में हमेशाहि हिक फर्कु हिक सञी लकीर जेतिरो ई रहयी आहे, पर इन जे बाबजूदि कहिं भी बो॒ली जी उपभोशा जो मयार घटि करण दु॒खाइंदड़ आहे।
मुल्क जी आजादीअ खां पोइ हिंदी जे हिमायतिन, हिंदीअ खे हिक राषट्रिय बो॒ली जो मुहांढरो दि॒अण में का भी का कसरि कोन छदी॒। इन मक्सदि संदिन खे हिंदूस्तान में अंग्रजीअ जो सभनि खां वदी॒ मुखालिफ करे छदो॒। जेतोणेकि अंग्रजी सभनिन हिंदुस्तानिन बो॒लयुनि खे नुक्सानि पुजा॒यो आहे, पर हिंदीअ जी इन मोहिम खे खासि करे द॒खिणि जे सुबनि में हमेशाहि ई शक जी नज़रि सां दि॒ठो वयो, जेको सिल्सलो अजु॒ ताइ पयो हलनदो पयो अचे। संदिन खे इहो मपसुस थयो तह अंग्रजिअ जी लडाइ बैदि संदिन खे हिंदी खे पिणि मुहूं देअणो पवंदो।
उत्तर हिंदुस्तानि में हिंदीअ जी हिक आहमि लडाई पंजाबी सां पिणि थी। मसलो कजह हिन रित हो जे आजादीअ खां पोइ पंजाब सुबे जी दफतरी बो॒ली कहिंखे कजे। आजादीअ खां आगु॒ पंजाब जी दफतरी बो॒ली उर्दु हुई जहिंजे सबब ट्रे ई कोमअ यानी हिदु, मुसलमान ऐं सिख उर्दू हुई जहिते हिंदु ऐं मुसलमान में दा॒ढो फर्कर कंदा हुआ। जेको भी थोडो घणो पंजाबी जो इसतमाल थिंदो हो उहो सिंख ई कंदा हुआ जेहिंजो अहमि सबब संदिन कौम हो। गुरु ग्रंथ साहिब जी मूल बो॒ली पंजाबी ऐं गुरुमुखि हुजणि सबब पंजाबी सां गंद॒यलि हुई। आजादीअ खां पोई जद॒हिं पंजाब सुबे जे बो॒लीअ जो मसलो आयो तहि हिंदु पंजाबी बो॒ली खें हिक दफतरि बो॒ली जी हसिस्त में मञण खां जवाबु दि॒ञो। इहो ई नह जेतोणेक विरहाङे जी लडाई में सिखनि हिंदुनि सा कुल्हे सां कुलहो ग॒दा॒ऐ लड़ा पर बोलि जे नाले ते हिंदू पंजाबीअ खे हिंदीअ जो हिकु लहजो (उपभाषा) खां वदिक मयार दे॒अण लाई राजी कोन हुआ। इहो ई नह हो आजादीअ खां पोइ थिंदड हर आदमशुमारीअ में पहिंजी बो॒ली पंजाबी बिदरौं हिंदी लिखाअण लगा। पंजाबिनि हारि नह मञिदे पंजाबी बोली जी जदोदिहद में लगी॒ वया जहिं सबब पंजाबी बो॒ली अजु॒ जिंदी ई नह पर पंजाब सुबे जी दफतरी बो॒ली थी वई। संदिनि इहो बो॒ली सां जुनुन ई हो जहिजे सबब हो दिल्ली में (जिते विरहाङे खां पोई सिंखनि जो वदो॒ हिस्सो अचि वसयो हो) हिंदीअ खां पोई बी॒ दफ्तरी बो॒ली करार दे॒अण मे कामयाब थी वया ।
सिंधी पंजाबीअ जी भेटि में कहि हदि ताईं खुश किस्मत रहि। विरहांङे खा अगु॒ सिंध में सिधी सिंध जी दफतरी बो॒ली जी हसिसत माणे चुकि हुइ। हिंदु तोड़े मुसलमान सिंधीअ खे पहिंजी बो॒ली मञिदे इन जे जदोजिहदि मे रुधल हो । खुशकिस्मतीअ सां अंग्रेजनि जो पुरो साथ मिल्यो। संदिनि इहो फरमानि जारी करे छदो॒ हो जेको भी सरकारी मुलाजिमि सिंध में कम लाइ चुड़यो वेंदो , खेसि सिंधी सिंधीअ में इमतहानु दे॒अणो पवंदो। इहे कोनून रुगो॒ हिदुसतानिन जे लाई ई नह पर अंग्रेजनि लाई पिणि लाजमि हुआ। इहो ई सबब आहे जे विरहाङे खां पोई सिंधी हिंदुस्तानि पहिंजी बो॒लीअ खे विसाणणि लाई तयार ई कोन हुहा। बो॒लीअ बाबति ऐहड़ो रुतबो रुगो॒ हिंदुनि में नह पर मुसलमानन में पिणि नजरि इंदो आहे। इहो ई सबबु आहे जे सिंध में रहिंदड़ सिंधी कद॒हिं उर्दू खे दिल सां कबूल कोन कयो।
हिंदुस्तान में असीं सिंधी अटे में लूण जेतिरा भी कोन आहयों, पर इन जे बावजूदि सिंधी तहिं महलि पहिंजी जाई हिंदुसतानि जे अठें सेद॒ल में पहिंजी जाई वालारी हुई जद॒हि कोंकणी,मेथली वगीरह बोलयुनि बाबति कहिं सोचो भी नह होंदो। आजादीअ खां पोइ जद॒हिं पंडित जवहारलाल नेहरुअ जे अग॒यों इहो मसलो आयो तह हुन इहो चई मसले खे थदे बोरे विझणि चाहियो तह हिंदुस्तान में टिंन सौ खां वधिक बो॒लियुं आहिनि सो जेकरि आसीं सिंधीअ खें संविधान जे अठे सेढूल में जाई दिं॒दासिं तह पोई सवनि बो॒लियुनि खे पिणि जाई दे॒अणी पवंदी। जेतोणिक सिंधी बो॒ली खे पहिजें हक जी जाइ 1967 में सिलि पर 1947 खां 1967 यानी 20 वरहयनि जे जदोजिहद खां पोइ। जेकद॒हिं सिंधीयुनि जी घुर 1947 में मञी नञे हां तह इन जो सभनि खां वदो॒ फाइदो इहो थे हां तह जेके सिंधी साहित्कार पहिंजी सहित्य खां (रोजी रोटि जे ग॒णतिनि सबब) परे थी वया से बो॒लीअ खे पहिंजी सेवा दे॒अण खां महरुम रहंजी वया जहिंसा सिंधी बो॒लीअ जो झझो नुकसां थयो।
जेकद॒हिं आसीं पिछाड़ीअ जे 20-30 वरहयनि में सिंधी जे वाधापे खे चकासिंदासें तह इहो चिटि रित पधरो थिंधो तह सिंधीअ जो वाहिपो तकड़ो घटिजे थो। आसां मां चङनि माण्हुनि जो इहो रायो आहे तह छाकाणि तह आसीं सिंधी लिपी (अर्बी लिपी) खां परे थिंदा वया आहयों सो बो॒लीअ जी हाणोके हवालु, फकत लिपी सबब ई आहे। जेकरि असीं आजादीअ खां पोइ हिंदुस्तानि जूं मुख्तलिफ मुख्तलिफ़ बो॒लियुनि दा॒हि नजरि ढोड़ाईंदासिन तह सभनि खा पहिरों अगो॒णे बामंबे परेसिढेंसि दा॒हि वेंदो। हित सिंधी खां सबाई गुजरातीनि ऐं मराठीनि पिणि पहिंजी लिपयुं मटयूं। अजु॒ खां 50 – 55 वीहयनि आगु॒ मराठीनि जी लिपि मोदी होंदी हुई जेका पोई संदिनि मठे देवनागरी कबुल कई। हाणे सवलि इहो आहे तहि जेकद॒हिन मराठी इन लिपी में ऐतरि कामयाबी माणे सघे थी तह सिंधीअ जी अजु॒ कयासु जोगो॒ हालु छो.
बदिकिसमतीअ सां जेतोणेक देननागरीअ जी हिमायत जेयराम दौलतराम जेड़हिनि सियासतदानिन खां वठि राम पंजवाणीअ जेड़िनि लेखकनि कई पर इन जे बानजुद अजु॒ भी देबनागरी उनही हदिं ते आहे जिते उहा 1947 में हई। ईन जा चङा सबब आहिनि जिअं ऐकड़ बे॒कड़ि लेखकनि खां सवाई घणो तणो सिंधी लेखक जी बेरुखि, आम सिंधीअ जे आग॒यो हिक सिंधी बो॒लीअ जी लीपीअ जे रुप में पेश नह अचण ऐ देवनागरी लीपीअ मे सिंधीअ जो महदुद प्रचार। पर जहि सबब देबनागरी लिपीअ खे सभनी खां वधीक नुकसानि पहुतो उहो आहे हिंदीअ जी प्रचार जे अग॒यां पहिंजा गो॒दा॒ टेके रखण। असां हिंदी जी चैलेंज खे बिलकुल मुहुं कोन द॒ई सघासे ऐं इन सबब हिंदी सिंधी खे लग॒ भग॒ सिंधीअ जे वजुद जे मिटजण जी कपु ते आचि बिहारो आहे। आजु॒ सिंधी चाहे गुजरात मे रहे या महाराष्ट्र में या वरि कहिं हिंदी गा॒ल्हाइंदड़ सुबे में हिंदीअ में जरुर तो इस्तमाल करे, पर इन हिंधी खे इन रित जाई दि॒नी जे सिंधीअ जी असांजे घरनि मां बेघरि थी वई। हिंदीअ खें हिक बोलीअ जी हयसियत में को भी खतरो नाहे। हिंदुस्तान में हिंदी गा॒ल्हाअंदड़ आदशमरि जा 50 सेकडो आहिनि। खतरो यकिनन सिंधीअ खे आहे। जेकद॒हिं असीं इन मसले खे संजदगीअ सां नह धयानु दि॒दासिं तह अगते हलि हिंदुसतान में सिंधीअ जो यकिनन वजूद नह रहंदो। ऐं जेकद॒हिं बो॒लीअ जो वजूद नह रहयो तह सिंधी सकाफत पहिंजे पाण ई गुम थी वेंदी।
राकेश लखाणीअ जो ब्लाग 